Aluşta civarındaki Körbek (İzobilnoye) köyü sakini Rustem Osmanov evge ketkende ğayıp oldı. O, endi üç künden ziyade yaqınlarınen bağğa çıqmay.
Rustem Osmanov soy-soplarınen soñki sefer üç kün evel, evge qaytqanda laf etken edi. O, ayttı ki, kimsenen maşnanen kete ve evde olğanda telefon eter. Amma yigit evge öyle de barıp yetmedi, bağğa başqa çıqmadı.
«Belki, o, Arman adlı yañı bir tanışı ile edi (ğaliba, «Artekte» çalışa edi). Bilgenler, yardım etiñiz, lütfen! Onıñ sağ olması içün dua etemiz!» – dep bildirdi Rustem Osmanovnıñ yaqınları «Açıq yürekler» taqımınıñ göñüllilerine.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
