İçki işler nazirligi vatandaşlarğa avtomobil nomeralarını saylamağa imkân berecek qanun leyhasını ükümetke teslim etti.
Vesiqağa binaen, naqliye vastalarınıñ qayd etilüvi qaidelerine bir sıra tüzetmeler kirsetilecek. Qanun «devlet qayd etüv işareti» – yani madeniy levhaçıq – ve «devlet qayd etüv nomerası» – maşnağa berilgen raqam ve arifler – degen añlamlarnı ayırı belgiley.
Avtomobil saipleri nomeranı saylay bilecek, lâkin bu nasıl olacağı aqqında vesiqada malümat bildirilmey.
Qanun leyhası rusiyelilerge yañı avtomobil içün nomeranı avtosalonda almağa imkân berecek. Bu hızmet paralı olacaq, amma fiyat sıñırlarını Federal antimonopoliya hızmeti belgileycek.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
