Qırım Taqiqat komitetiniñ İslâm Terek (Kirovskoye) bölügi sekiz yaşındaki balanıñ elâk olğanı içün cinaiy iş açtı.
Bu aqta müessiseniñ matbuat hızmeti bildire.
İş adam ölüminiñ sebebi olğan muqaytsızlıq aqqında madde boyunca açıldı, dep bildire «İskra».
Taqiqatnıñ malümatına binaen, iyül 24-te İslâm Terekniñ azbarlarından birinde yahşı etip pekitilmegen salıncaq sekiz yaşındaki balanıñ üstüne yıqıldı.
Yaralanğan bala hastahanede vefat etti.
Şimdiki vaqıtta taqiqatçılar vaqia şaraitini ögrene, bir qaç mahkeme ekspertizasınıñ keçirilmesi planlaştırıla.
Foto: İnternet
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
