Aqmescit memuriyeti yolbaşçısı Baharev istifağa yollanıla bile

27.07.201718:20

Aqmescit (Simferopol) memuriyeti yolbaşçısı Gennadiy Baharev istifağa çıqa bile.

«Primeçaniye» neşri, şahsiy menbalarğa esaslanıp, bildire ki, Baharevniñ öz isteginen istifağa çıqması aqqında qarar bazarertesi künü Qırım ükümeti yolbaşçısı Sergey Aksönovnıñ baş nazir muavinleri ile korüşüvinde qabul etildi.

Aqmescit şeer yolbaşçısınıñ işten boşatılmasınıñ sebeplerinden biri olaraq, Qırım paytahtı tarihiy merkezinde yañlış yapılğan yañıdan quruv ve şeerde «Monolit» qurucılıq şirketi tarafından yapılğan qurucılıq boyunca cemaat diñlevlerinen bağlı dava qayd etile.

Baharevniñ iştiragi ile keçirilgen merasimler aqqında Aqmescit memuriyeti saytında soñki sefer iyül 25-te bildirile: o, er aftalıq vatandaşlarnı qabul etüvni keçirdi. Bugünki Baharevniñ cemaatçılıqnen körüşüvi lâğu etildi.

Evel bildirgenine köre, iyül 5-te cumhuriyet baş naziriniñ muavini Boris Zimin, kurort ve turizm naziri Sergey Strelbitskiy ve Yalta şeer yolbaşçısı Andrey Rostenko kütleviy şekilde istifağa çıqtı.

İçtimaiy ağlarda Facebook, VkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET