Ruslan Zeytullayev 15 yılğa apiske qapatıldı

27.07.201717:08

Rusiyede yasaq etilgen «Hizb ut-Tahrir» teşkilâtınıñ bölügini teşkil etkeninen qabaatlanğan Ruslan Zeytullayev 15 yılğa azatlıqtan marum etildi.

O, oña Rostov-na-Donudaki SİZO-ğa Ukraina insan aqları boyunca vekâletlisi Valeriya Lutkovskaya, rusiyeli uquq qoruyıcılar, Ukraina Baş konsullığı temsilcisi, mühbirlerni yibermek; onı Ukraina vatandaşı olaraq bu devletke qaytarmaq ve «qırımtatarlarnıñ milliy ve diniy sebeplerden taqip etilmesini toqtatmaq» talabınen devamlı açlıq ilân etti.

«Radio Svoboda» mühbiri Anton Naumlükniñ malümatına binaen, kollegiya muşavere odasında bulunğan qısqa teneffüs devamında em adliyeciler, em de toplaşuvğa kelgen ukrain konsulına Zeytullayevnen qonuşmağa yasaq etildi. Ruslan, cevap olaraq, bir qaç plakatnı yaptı, olarnı kamerağa kösterdi, netice çıqarıp: «XXI asır repressiyaları».

Avdetniñ evel bildirgenine köre, toplaşuvda prokuratura Zeytullayevniñ apiste bulunma müddetiniñ 12-den 17 yılğa uzattırılmasını talap etti.

Hatırlatamız ki, prokuror «Aqyarlı dört kişi» işi boyunca mahkemeniñ Ruslan Zeytullayevge nisbeten qararına şikâyet arizasını berdi. Evel o, Zeytullayevni 17 yılğa qattı nizam koloniyasına qapatmağa talap etken edi. Dekabr 27-de Rusiye Federatsiyası Yuqarı mahkemesi prokurornıñ şikâyetini qanaatlendirdi ve «Hizb ut-Tahrir» bölügini teşkil etkeninen qabaatlanğanRuslan Zeytullayevniñ işini Rostov-na-Donu şeerindeki Şimaliy-Qavqaz arbiy okrug mahkemesine yolladı.

Sentâbr 7-de Rostov-na-Donu şeerindeki arbiy mahkeme «Hizb ut-Tahrir» işi boyunca yaqalanğanlar boyunca üküm çıqardı. Böyleliknen, terroristik faaliyetni teşkil etkeninen qabaatlanğan Ruslan Zeytullayev 7 yılğa apiske qapatıldı, Ferat Sayfullayev, Rustem Vaitov, Nuri Primov 5 yılğa umumiy nizam koloniyasına tüşti.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası