Energetika nazirligi tünevin Qırımda yüz bergen yarıq qazasınıñ sebeplerini ögrene

29.07.201711:49

Rusiye Federatsiyası Energetika nazirligi iyül 28-de Qırımda yüz bergen qazanıñ sebeplerini ögrenip başladı. Qaza neticesinde bütün yarımada yarıqsız qaldı.

«Qırım energetik sistemasınıñ Krasnodar ülkesi energetik sistemasınen olğan bağından kesilmesi ile ayırılğan çalışmasınıñ sebebi 500 kV elektrik ağınıñ qısqa tutaşuvdan birden söndürilmesi oldı: «Stavropolskaya GRES – Tsentralnaya» ve «Tihoretsk – Kubanskaya», – dep bildirdi RF Energetika nazirliginiñ matbuat hızmeti.

Bunıñ sebebi, ava pek sıcaq olğanından donatmalar bozulğanı olğanı aytıldı.

Yarımadanı yarıqnen teminlev bir yarım saattan soñ tüzetildi. Qırım energetik sistemasınıñ işi saat 19:00-da bütünley tüzetildi.

Avdetniñ evel bildirgenine köre, iyül 28-de bütün Qırım yarıqsız qaldı. Energetik köpürniñ bütün dört yolağı söndürildi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET