İstanbulda ukrain uçucısı ekstremal şaraitte uçaqnı endirdi

29.07.201711:10

İstanbulda Atatürk adına halqara ava limanında Atlas Global türk şirketiniñ uçucısı Aleksandr Akopov boranlı yağmur ve burçaq yağğanda aman-aman bir şey körmeyip qazalı şaraitte uçaqnı endirdi.

Yolcu layneri ava limanından çıqıp, burçaqnen boranlı yağmurğa oğradı. Neticede uçaqnıñ burnu ve uçucı kabinasındaki cam bozuldı.

Uçucınıñ sözlerine köre, bu, tahminen 11 200 metr yükseklikte yüz berdi.

«Qonmaq qararını aldıq. Yanaşadaki pencerelerden uçuş-eniş yolunı körmek içün, uçaqnı bir tarafqa yattırdıq. Bunı añlap yaptıq», – dep añlattı Akopov, ve qayd etti ki, ava limanı dispetçerleri onı engende refaqat etken edi.

Neticede içinde 121 yolcu ve altı erkân azası olğan uçaq muvafaqiyet ile ava limanında endi.

Uçaq engen soñ, erkânnı ava limanınıñ bütün perronı alğışladı. Diger uçaqlarnıñ uçucıları faralarnen lipildedi ve uçaqqa erkân azalarınıñ elini sıqmaq içün kelgen edi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası