Qarasuvbazar rayonında yüz bergen qaza neticesinde balanen qoranta elâk oldı

30.07.201712:10

Tünevin, iyül 29-da, tahminen saat 17:00-de Qarasuvbazar (Belogorsk) rayonında deşetli qaza neticesinde İslâm Terek sakini Osman Nagaşnıñ qorantası elâk oldı.

VAZ 2115 avtomobiliniñ Ford Focus çatışması neticesinde dört adam, bu cümleden, bala vefat etti.

Qırım Yol areketi havfsızlığı devlet inspektsiyası matbuat hızmetiniñ malümatına binaen, VAZ 21115 maşnası qarşı taraf yolğa çıqtı ve Ford Focus avtomobiline uruldı. Ford maşnası içinde üç adam, bu cümleden, 16 yaşındaki ösmür bar edi. İlk malümatlarğa binaen, VAZ avtomobiliniñ aydayıcısı ve eki yolcusı, bu cümleden bala, birden elâk oldı. VAZ yolcusı olğan qadın hastahanede vefat etti.

Qayd etile ki, Ford yolcuları da zararlandı.

Elâk olğan qorantanı tanığan içtimaiy ağlar qullanıcılarınıñ bildirgenlerine köre, VAZ avtomobilinde aile başı Osman Nagaş, onıñ apayı, eki qızı ve torunı bar edi.

Avdet gazetası elâk olğan qorantanıñ yaqınlarına taziye bildire. Allah rahmet eylesin!

İçtimaiy ağlarda Facebook, VkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası