Bugün saba erte Kefede (Feodosiya) Keriç yolunda BMW avtomobili Anapa-Sudaq avtobusına uruldı. Bundan soñ maşna, yol kenarına çıqıp, avdarıldı. Qaza neticesinde eki kişi elâk oldı.
Qırım Yol areketi havfsızlığı devlet inspektsiyasınıñ (YAHDİ) malümatına binaen, saat 4:40-ta BMW aydayıcısı, Aqmescit (Simferopol) tarafından Kefe tarafına areket etip, içinde 31 adam olğan avtobusnen çatıştı. Yengil maşnanıñ aydayıcısı ve yolcusı elâk oldılar. Daa bir yolcu yaralandı.
YAHDİ hadimleri vaqia şaraitini ögrene.
Avdetniñ evel bildirgenine köre, iyül 29-da, tahminen saat 17:00-de Qarasuvbazar (Belogorsk) rayonında deşetli qaza neticesinde qırımtatar qorantası elâk oldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
