Qırımda İçki (Sovetskoye) rayonı sakini Mamet Kurkçı eki künge yaqalandı, avgust 2-de onıñ evinde tintüv keçirildi.
Bu aqta qırımtatar milliy areketiniñ faali Nariman Celâl Facebook saifesinde bildirdi.
«Şimdi elde etkenimiz malümatqa köre, Kurkçı Mamet uquq qoruyıcılar tarafından 48 saatqa yaqalandı. Bu aqta nasıldır Aqmescit mayorı bildirdi. Yaqalav sebepleri aqqında berilgen suallerge ayttı ki, onıñ nasıldır qanun bozuvınen bağlı olğanını tasdıqlağan nasıldır deliller bar. Soy-soplarınen körüşmege bermediler ve saat beşke qadar oña eşyalarтш ketirmege razılıq berdiler», – dep haber etti Celâl.
O, qayd etti ki, İçkige yaqalanğan kişige adliyeci yardımını köstermek içün Cemil Temişev bardı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
