Qazan tatarları Alime Abdennanova aqqında film çıqaralar

03.08.201723:04

алиме абденнанова

Tatar iş adamları belli qırımtatar istihbaratçısı Alime Abdennanova aqqında film çıqarmağa planlaştıralar.

Bütündünya tatarlar kongresiniñ prezidium azası, OOO «Евросибойл» («Yevrosiboyl») yermayı şirketiniñ prezidenti Nurulla Sattarov haber etkenine köre, şimdilik filmniñ stsenariyi azırlana. Bunıñ içün para biznesi tarafından berilecek.

«Bizler Ulu Vatan cenki vaqıtında tatar halqı nasıl cenkleşkenini köstermek kerekmiz. Biz, filmniñ meydanğa ketirilmesinde, bütün tatarlar iştirak etkenini isteymiz», – dep ayttı o.

2017 senesiniñ 2-ci avgusttan 6-ğa qadar Qazanda olıp keçken Bütündünya tatarlar kongresiniñ VI qurultayında bu filminiñ treyleri taqdim etilgen edi.

Hatırlatamız, Alime Abdennanova – qırım tatar qadını, Ulu Vatan cenkiniñ iştirakçısı, Qırmızı Bayraq Kavaleri, Rusya Federatsıyasınıñ Qaramanı (2014 berildi). O, Qırım yarımadasında yerleşken alman ve roman orduları aqqında qıymetli malümatlar elge keçire, istihbarat taqımına reberlik ete edi. Öz qaramanlığı içün istihbaratçığa Qırmızı Bayraq mükâfatı berilgen edi. 19 yaşında o, Eski Qırımdaki gestapo apishanesinde insan aqılına sığmağan azaplarğa oğratılğan, soñra atılıp, öldürilgen edi.

2015 senesinde yazıcı Vladimir Lotnıñ «Алиме. Крымская Легенда» («Alime. Qırım Efsanesi») kitabı boyunca filmniñ birinci kösterilüvi olıp keçti.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET