Aqmescitte 5-ci avgust kününden merkez soqaqlarından birisinde – bulvar Frankoda, Kuybışeva soqağı burulışından Kiyevskaya soqağına qadar yol areketi qapatılğan edi
Bu aqta şeer memuriyeti saytında bildirile.
Matbuat hızmeti añlatqanına köre, bu vaziyet issi ağları borularınıñ kapital tamirinen bağlıdır. Olarnı Kuybışeva soqağında yerleşken TK-15-ten №17-ci mesken evine qadar «Krımteplokommunenergo» keçire.
«Bu işler yapıluvı Kiyevskaya, 83, Kuybışeva, 4 ve 22 evleri endi dörtünci ay sıcaq suvsız oturğanına bağlıdır. Eger tamir işleri yapılmasa olar küzde de sıcaqsız qalacaqlar», – dep bildirile.
Tamir etilgen yerni Trolleybusnaya soqağından ve Fevralskiy aralığından keçmek mümkün.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.