Aqmescitte qırmızı yarıqqa ketken «acele yardım» balanı urdı

06.08.201722:08

Aqmescitte (Simferopolde) 4-ci avgust künü saat 19:30 prospekt Pobedı etrafında «Budenov bazarı» durağı rayonında «acele yardım» maşnası cayav keçitinden keçken balanı urdı.

Qırımnıñ GİBDD matbuat hızmetiniñ malümatına köre, «acele yardım» maşnasınıñ aydavcısı 51-ci Armiya soqağı tarafından Lugovaya soqağına taba sağ taraftan ketip, svetofornıñ areketni yasaq etken yarığına yoluna devam etti.

Neticede cayav keçitinden keçken ösmürni urdı. 13 yaşlı piyadeni hastahanege pek çoq eziklernen ketirdiler.

«Acele yardım» maşnası yolda ketkende mahsus haber bergen seslerni qullanıp, qullanmağanı ögrenile.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.