Tünevin Qırımnıñ cenüp-şarq tarafı yarıqsız qaldı

06.08.201718:56

5-ci avgust cümaertesi künü Qırımnıñ cenüp-şarq tarafı yarıqsız qaldı.

Saat 17:35 «Starıy Krım» («Eski Qırım») 110 kV stantsıyasında avtomatik qoruma çalışıp, yarıq söndürildi.

Rusiye Federatsıyasınıñ Energetik Nazirliginiñ haber etkenine köre, birinci ve ekinci bölük 110 kV şinaları 110 kV transformator elektrik aqımında kondensator yanmağa başlağanı içün söndi.

Qaza neticesinde yedi stantsıya elektriksiz qalqan edi: «Luçistoye» («Demirci»), «Maloreçenskoye» («Küçük Özen»), «Privetnoye» («Üsküt»), «Morskoye» («Qapsihor»), «Veseloye» («Qutlaq»), «Kapsel» ve «Sudaq».

Feodosiya (Kefe), Sudaq, Aluşta şeer civarlarında ve Kirovskiy (İslâm-Terek) rayonında elektriksiz 24 meskün yer elektriksiz qaldı.

Yanğın MÇS hadimleri tarafından toqtatıldı.

Saat 18:57 söndürilgen stantsıyalarğa yarıq berildi.

Energetik Nazirligi bildirgenine köre, adamlarnıñ evlerinde saat 19:00 endi yarıq bar edi.

Hatırlatamız, keçken Cuma künü kündüz Qırım yarıqsız qalğan edi. Birinciden yarıq sönmesi pek sıcaq olğanından Kubanda LEP elektrik köpürniñ qaza neticesinde söndürilgeninden oldı. Yarımadanıñ energetik temin etilüvi 16 saat içinde ğayrıdan yapılğan edi. 29 iyül künü Krasnodar tarafında ve soñra Qırımda da yarıqnıñ söndürilüviniñ sebebi, evelki haberlerge köre, yük maşnası iştiraginen olğan qaza edi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.