Qırım çöplügini Tamange çıqarmağa isteyler

07.08.201711:30

2023 senesinde Qırım çöplügini Tamandeki çöplük yaqqan zavodğa çıqaracaqlar.

«Rostex» strukturasına kirgen «RT-İnvest» fondı Rusiye cenübinde üç çöplük yaqqan zavodnı qurmağa planlaştıra. Olardan birisi başqa çöplüknen beraber Qırım ve Aqyar çöplüklerinen de oğraşacaq. Aynı vaqıtta mında elektroenergiyası qıt olğan Qırım içün MTES de qurulacaq, dep yaza «Kommersant».

Çöplük yaqqan TESler klasterlerden teşkil etilgenler. Olardan birincisi Soçide yerleşecek ve Tuapse, Gelencik, Goryaçiy Klüç şeerleri çöplügini yaqacaq. Onıñ işke başlaması 2022 senesinde planlaştırıla.

Qırım, Aqyar, Anapa, Temrük ve Novorossiysk çöplükleri içün 2023 senesinde Tamande ekinci klaster –  1,25 million tonna, 120 MVt tüşünile.

Fondnıñ esaplamasına MTES qurucılığından soñ, Qırımdaki fiyatlar birden yükselecek: 2023 senesinde 5,91% qadar, Krasnodarda – 3%, Stavropolyede – 6,32% qadar.

Amma Qırımnıñ Yaqarlıq ve Energiya Nazirliginde yarımadanıñ sakinlerine bu vaziyet tesir etmeyecegini aytalar.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası