Aqmescitte polis qart qırımtatar faalini yaqaladı

08.08.201715:44

Aqmescitte (Simferopolde) polis qırımtatar milliy areket veteranını Qırımnıñ Yuqarı mahkeme binası altına öz başına piketke çıqqan Server Karametovnı yaqaladı.

Ahtem Çiygoznıñ işi boyunca oturışı vaqıtında qart faal bina altında elindeki plakat ile tura edi. Plakatta bu yazı bar edi: «Putin (Aksyonov), bizim ballar, Ahtem Çiygoz terrorist degiller! Qırımtatarlarnı qabaatlamağa yeter».

Emil Kurbedinovnıñ haber etkenine köre, Karametovnı yasaq etilgen miting keçirüvinde ve akimiyetke qarşı çıqqanında qabaatlaylar. Aynı vaqıtta, qart insanda areketler yapıluvı bozuq olğanını, yani o, el ve vucudınen tek keskin şekilde areket etkenini qayd etti.

«Şimdi bunı akimiyetke qarşı çıqma olaraq köstermege isteyler?! O, öz-özüne bardaqqa suv qoymağa zorlandı», – dep qayd etti Kurbedinov.

Advokat yaqalama şaatlarını mahkemede çıqış yapmağa, bu al boyunca malümatlarnı bildirmege çağırdı.

Hatırlatamız, bu seneniñ mayıs ayında Server Karametov Aqmescitniñ merkez meydanında tek bir özü piketke çıqtı. O vaqıtta da polis onı yaqalap, ondan yasaq etilgen areket yapqanı içün iza etüvni alğan edi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

пикет

Author: Редакция Avdet

Avdet gazetası