Sudaq etrafında 50 gektarğa tarqalğan yanğınnı söndürdiler.
Bu aqta Qırım Cumhuriyetiniñ Fevqulade Vaziyeti Nazirliginde haber ettiler.
«Şimdiki vaqıtta RSÇS territorial sistemasınıñ idare ve maliyesi vastasınen Qırım Cumhuriyetiniñ Federal yanğınğa qarçı küreşken hızmetinen beraber yanğınnıñ daa da büyük mesafege tarqalması toqtatıldı. Yanğın 50 gektar meydanlıqnı qapladı», – dep bildirile haberde.
Şimdi Fevqulade Vaziyet Nazirliginniñ qısımları vaqia yüz bergen yerden yavaş-yavaş keteler, amma yanğın aqibetleri yoq etilmege devam etile.
Yanğın söndürilmesinde 486 insan, 55 hususiy tehnika işletildi.
Evelki haberlerge köre, yanğınnıñ sebebi olıp keçken yol qazası olabilir. 5-ci avgust künü saat 11-ge yaqın göl yanına ekskursiyağa kelgen insanlarnı ketirgen UAZ maşnası avdarılıp, yanmağa başladı. Anomal sıcaq ve yel ateşni dağnıñ büyük mesafesine tarqattı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
