Qırımda kene elektrik söndürme grafiklerini kirsettiler

09.08.201718:15

 

8 avgust künü, aqşam, elektrik ağlarnıñ aşmaması içün Qırımda kene elektrik söndürme grafiklerini kirsettiler.

Bu aqta Rusiye Federatsıyasınıñ energetik nazirliginde haber ettiler.

«8 avgust künü 19:47 Moskova saatına köre, elektrik aqım aşması neticesinde qaza olmaması içün «Taman» ve «OES Cenüp – Qırım» kesilişinde nevbetçi dispetçer emirinen vaqıtınca elektrik söndürme grafikleri kirsetildi», – dep bildirile idare bölüginde.

Müessisede Qırımda qazaiy ve planlı söndürilgen elektrik aletler olmağanını işandırdılar. Elektrikniñ çoq işletilüvi anomal sıcaqlar ve insanlarnıñ kütleviy şekilde konditsionerlev sistemalarnıñ qullanılmasınen bağlıdır.

«Qırımenergo» Qırım sakinlerini ve turistlerini imkân olğanı qadar saat 20:30-dan 22:00-ce elektrik aletlerini azca qullanmağa çağıralar.

Avdet haber etkenine köre, energetikler Qırımnıñ cenüp yalısında «Simferopol –Yalta» ava yolunda mümkün olğan elektrik yük aşması sebebinden elektrik temin etilüvniñ vaqıtınca söndürme grafiklerini kirsettiler.

Cümaertesi 5-ci avgust künü Qırımnıñ cenüp-şarq tarafı yarıqsız qaldı.  Saat 17:35 «Starıy Krım» («Eski Qırım») 110 kV stantsıyasında avtomatik qoruma çalışıp, yarıq söndürildi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET