Anomal sıcaq sebebinden bugün aqşam, 10 avgust künü, Qırımda yarıq söndürmeleri beklenile.
Bu aqta Qırım Cumhuriyeti Malümat Siyaseti Nazirliginiñ matbuat hızmetinde haber ettiler.
«Bugünki künde qullanuv ölçüleri yüksek sıñırlarğa çıqtılar, olar Qırım generatsiyasınıñ toplam ölçüsini ve «Taman – Qırım» energetik yolundaki aqımını aşmaqtalar», – dep qayd ettiler müessisede.
İleride qullanuvnıñ ölçüleri artmasınen dispetçer vaqıtınca elektrik energiyasınen temin etilüvini sıñırlama grafiklerini kirsetecek.
Sıñırlama vaqıtı 2017 senesiñ 10 avgust kününde saat 20:00-den – 22:00-ce tahmin etile. Elektrikten 5 % qullanıcılarnı söndürebileler. Sıñırlama vaqıtı – 1 saattır.
Avdet haber etkenine köre, 7 avgust künü Qırımdaki elektrik quvetiniñ qullanıluvı tarihiy maksimum yüklerini aştı ve 1249 MVt teşkil etti, bu yaz maksimumınıñ 70 MV ölçüsine ziyadedir.
İstimalnıñ arttıruvı mütehassıslarnı Krasnodar ve Qırımda vaqıtınca elektrik temin etilüvini söndürme grafigini kirsetmege mecbur ete.
Hatırlatamız, 10 avgusttan 14 avgustqa qadar Qırımda anomal sıcaq avası olacağı haber etile.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
