«Qırım diversantlarnıñ işi» boyunca yaqalanğan Redvan Suleymanovğa mahkeme üküm çıqardı

10.08.201723:14

Bugün, 10 avgust künü, «Qırım diversantlarnıñ işi» boyunca yaqalanğan Redvan Suleymanovnı mahkeme 1 yıl 8 ayğa qapatacağınen bağlı üküm çıqardı. Aynı vaqıtta, o, ketirgen zarar içün 3,5 million ruble tölemege mecbur.

Bundan evel haber etilgenine köre, soñki söz ile çıqışta bulunğan Suleymanov mahkemede qabaatını tanıdı, lâkin, büyük zarar ketirgeni aqqında oña taqdim etilgen qabaatlavğa razı olmadı.

Prokuror onı eki yılğa azatlıqtan marum etmege talap etti.

Redvan Suleymanovnı 2016 senesiniñ 30 iyül kününde yaqaladılar. FSB tarafından paylaşılğan videoda 1989 senesi doğğan Redvan Suleymanov bildirdi ki, onı ukrain istihbaratı 2015 senesi oktâbr ayında celp etti. Oña, sanki, Aqmescit ava limanı va avtovokzalında patlatıcı aletlerniñ qoyulması içün yerlerni tapmaq vazifesi buyurılğan. Bunen beraber, o, rusiyeli arbiy bazalar aqqında malümat cıymaq kerek edi.

Aynı vaqıtta Meclis (Rusiye Federatsiyasında 2016 senesi aprel 26-da qabul etilgen qararınen yasaqlanğan) yolbaşçısı Refat Çubarov haber etti ki, Suleymanov, ukrain diversantlar dep adlandırılğan kişiler yaqalanğanından üç afta evel tutuldı. Onıñ soy-sopları Suleymanovnıñ yaqalanması aqqında bilgen, amma haber etmege qorqqan eken.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.