Qırımda himik zavodınıñ damı tüşti

10.08.201710:26

Armyanskte (Ermeni Bazar) «Krimskiy Titan» («Qırım Titanı») himik müessisesi tsehleriniñ birisinde 3 biñ kv. metrlik dam tüşti. Evelki haberlerge köre, kimse zararlanmadı.

Bu aqta bugün Qırım Cumhuriyeti Fevqulade vaziyet nazirliginiñ matbuat hızmetinde haber ettiler.

«Evel berilgen haberlerge köre, bu vaziyet müessiseniñ işine tesir etmedi. İşhaneniñ işçileri sağlığına iç bir telüke yoq. Damnıñ tüşmesi de ilerilemey», – dep bildirile haberde.

Acele hızmetlerge fevqulade vaziyet aqqında malümat bugün saat 4:40 kelgenini haber ettiler. Müessisede fevqulade vaziyetnen bağlı şeer memuriyetiniñ temsilcilerinden, fevqulade vaziyet nazirligi ve müessisesiniñ mütehassıslarından ibaret olğan müessiselerara operativ hızmeti çalışa.

Vaziyet Qırım boyunca Fevqulade vaziyet nazirliginiñ baş idare başlığınıñ – Sergey Şahovnıñ şahsiy kontroli altında tutula. Onıñ emirinen dam tüşmekniñ aqıbetlerini yoq etmek içün yardım etmege quvet ve vastalar azırlıqqa ketirilgenler.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası