«Krım-Elit-Stroy» şirketi «Simferopol» ava limanınıñ yañı aerovokzal kompleksine alıp barğan esas yaqlaşma yolunıñ qurucılığına başladı.
Qırım avtomobil yollar hızmetiniñ başlığı Aleksey Safronov haber etkenine köre, şimdilik kommunikatsıyalarnı başqa yerge avuştırma, malzemelerni ketirme işleri alıp barıla. Belli bir grafik tizildi, iş oña köre kete.
Onıñ qayd etkenine köre, 1,1 km uzunlığında yaqlaşma yolunıñ 7 dekabr künü işletilüvi başlanılması kerek. Qurucılıqnıñ maliyeviy destegi Qırım inkişafı federal programmasınıñ çerçivesinde yapıla. Yolnıñ fiyatı – 212 million rubleni teşkil ete.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
