Qırımda yük maşnasınıñ aydavcısı dümen başında yuqlap qaldı – 12 yaşındaki qız elâk oldı

12.08.201720:19

Lenin rayonınıñ Lugovoye köyüniñ etrafında yol transport vaqiası

12 avgust gecesinde «Canköy – Feodosiya – Keriç» yolunda qaza olıp keçti. Qaza neticesinde 12 yaşındaki qız elâk oldı.

Bu aqta Qırım Yol areketiniñ telükesizligi boyunca devlet inspektsıyası haber etti.

«Evelki bildirüvlerge köre, 360-cı kilometrde Mercedes yük maşnasınıñ aydavcısı dümen başında yuqlap qaldı ve qarşı yolğa çıqtı. Yük maşnası qarşıdan kelgen MAN, soñra ise Chevrolet maşnalarınen çatıştı», – dep haber ettiler idarede. Qaza neticesinde Chevrolet maşnasınıñ yolcusı 12 yaşındaki qızçıq elâk oldı.  Mercedes ve Chevrolet maşnalarınıñ aydavcıları yaralandılar».

Yaqında aynı yolda Lenin rayonınıñ Lugovoye köyü etrafında Toyota Camry maşnasınıñ qadın aydavcısı qarşı tarafqa çıqıp,  Hyundai maşnasınen çatıştı. Qaza neticesinde dört insan zarar kördi.

Uquqqoruyıcı bölükleri qazalar boyunca teşkerüvler yapa.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

 

 

Author: Редакция Avdet

Avdet gazetası