Video nezareti kameraları tarafından qayd etilgen yol areketiniñ qanunlarnı bozuvı içün Simferopol şeeriniñ maşna saipleri birinci ceza haberlerini almağa başladı.
«VKontakte» içtimaiy ağda «Avtoportnyor-Krım» qullanıcısı haber etkenine köre, suratnı aşqanı içün onıñ adresine «baht mektübi» keldi.
«Suratnı 9 kilometrge aşqanım içün maña baht mektübi keldi. GRES, ava limanı tarafından cayav keçiti. Aqılıñızda tutıñız», – dep yazdı maşna saibi.
Avdet evel haber etkenine köre, Qırım yollarında 300-den ziyade videoqayd eticiler çalışmağa başladı.
Avdet, Simferopol yollarında çalışqan videonı qayd etken kameralarnıñ cedvelini bergen edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
