Kezlevde qırımtatar medeniyetinen bağlı büyük festival olıp keçti

14.08.201713:41

12 avgust künü Kezlevde (Yevpatoriyada) «Devirler ruhu» («Duh vremen») büyük festival-yarmalığı keçti.

«Devirler ruhu» qırımtatar medeniyetiniñ eñ parlaq temsilcilerini – dekorativ-ameliy sanatnıñ ustalarını ve zemaneviy estrada yıldızlarını topladı. Kezlevge Qırımnıñ er bir köşesinden eñ kreativ ressam ve dizaynerler, çeber nağışçılar ve çölmekçiler, quyumcılar, qırımtatar estradasınıñ yıldızları yarımadanıñ sakinleri ve musafirlerine tamır halqınıñ qırımtatar medeniyeti aqqında tarif etmek içün keldiler.

Çoqusı Qırım sakinleri içün keçken festival halqnıñ ruhuna – oyun, yır, milliy eşyalarına, qırımtatarlarnıñ turmuş nesnelerine toqunmağa imkân bergen kerçek bir bayram oldı.

Tedbirniñ azırlanuvı ve teşkil etüvinen faal insan Edem Faytoncı ve «Malıy İyerusalim» («Küçük Qudus») Kezlev medeniy-etnografik merkezi oğraştı.

Avdetke berilgen izaatta Edem Faytonci teşkilâtçı ve ustalarnen bir qaç ay azırlanğan festival boyunca böyle neticeler çıqardı.

«Tedbirniñ yahşı keçmesi aqqında bir qaç faktorğa köre aytmağa mümkün:

  • iştirakçilerniñ duyğuları (ustalar, sanatkârlar, alıp barıcılar);
  • musafirlerniñ duyğuları;
  • musafirler sayısı;
  • fevqulade adise ve vaziyetler;
  • maliyeviy destek.

Eger üç madde ile er şey orta derecede olsa, milliy-medeniy tedbirlerni ziyaret etme maddesinde bizim milliy añımızğa (çoqluğımızğa), yani halqnıñ inkişafında real müim şeylerni añlamamağanımızğa minus qoymağa mümkün. Maliyeviy destek tarafınen de çoq sıqıntı çıqa. Amma iç bir şeyge baqmadan, bütün kelgen insanlarğa, farqlı şekilde qol tutqan, halqımıznıñ bar olmasına ve yaşamasına qol tutqan insanlarğa minetdarlığımnı bildirem», – qayd etti Faytoncı.

Avdet bayramdan fotoreportaj azırladı.

Foto: Elmira İbraimova

Tarihçi Oleksa Gayvoronskiy qadimiy Gözlev şeeriniñ tarihına bir qaç malümat bağışladı. Gözlev mirajları, Gözlev qalesi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

IMGL2225 IMGL2231 IMGL2234 IMGL2235 IMGL2242 IMGL2257 IMGL2263 IMGL2266 IMGL2270 IMGL2277 IMGL2280 IMGL2282 IMGL2292 IMGL2293 IMGL2294 IMGL2304 IMGL2305 IMGL2306 IMGL2307 IMGL2321 IMGL2329 IMGL2346 IMGL2405 IMGL2436 IMGL2438 IMGL2445 IMGL2451 IMGL2478 IMGL2479 IMGM2519 IMGM2571 IMGM2658 IMGM2704 IMGM2727 IMGM2750 IMGM2863 IMGM3107 IMGM3227 IMGM3271 к анонсу

Фото аватара

Автор: Редакция Avdet

Редакция AVDET