Simferopol akimiyeti doquz bala bağçasında közetüv kameralarını qoyacaq.
Böyle malümat devlet tedarik körme portalında yerleştirilgen.
Yarış vesiqalarına köre, «İvuşka», «Laduşki», «Mişutka», «Zayçik», «Solnışko», «Rusaloçka», «Kosmonavt», «Vişenka» ve «Lazurnıy» bala bağçalarında közetüv sistemalarınıñ montajı içün arac-mezat ilân etilgen. Kontraktnıñ maksimal fiyatı ileride tüşme imkânınen 435 biñden 1,3 million ruble arasındadır.
«Bala bağçalardaki közetüv sistemaları içün şeer bücetinden qoşma maliy destek ayırılğan. Çoqusı bala bağçalarında böyle kameralar endı bar. Qanunğa köre (antiterroristik telükesizlik), mektepten aldın bütün müessiselerde kameralar qoyulmaq kerek. Bugünki künde ayırılığan aqçağa köre, doquz bala bağçalarında kameralar qoyulacaq. Keçken sene de öyle olğan edi. Aqçalar kelgeninen ket-kete iç ve tış közetüv kameralarını qoyamız», – dep haber etti şeer memuriyeti tasil departamentiniñ müdiri Tatyana Suhina.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
