Belli Rusiye ve özbek yazıcısı Timur Pulat özüniñ daa bir eserini neşirge azırlay. Bu bediy – vesiqalı roman ağa – qardaş Musa ve Osman Mamutovlarğa bağışlanıp, «Cennetten quvulğanlar» degen serlevasını taşıy.
Roman, qırımtatarlarnıñ elli yıllıq sürgünliklerinden soñ Vatanlarına avdet tarihlerine bağışlanğan. Eserniñ merkezinde – 1992 senesi Aluştanıñ Krasnıy ray qasabasında olıp keçken vaqiyalar turmaqta.
Müellifniñ qayd etkenine köre, o bu romannı 1,5 sene yazdı ve mında milliy areket veteranları Seyithalil Caksimge, Beyye hanım İlyasovağa, İlver Ametovğa, Umer Çabanovğa — «polȃna protesta» teşkilatçıları ve iştirakçileri olğan bütün qırımtatarlarğa öz teşekkürlerini bildire.
«Bu adamlar özleriniñ hatıralarınen, arhiv vesiqalarınen, maña «Krasnıy Ray» vaqiyasını daa yaqından ögrenmege yardım ettiler. «Krasnıy Ray» vaqiyaları, menim içün, bütün qırımtatar halqınıñ tireme ve yer – topraq alma, Vatanında yaşama areketiniñ bir temsili olğandır», ˗ dep qayd ete Timur Pulat.
Müellif işandıra ki, eserini, ilk olaraq, Qırımda bastıracaq.
«Eger de, yazğan eserimizni kerçek ayatnıñ bediy entsiklopediyası dep adlandırsaq, demek onı qırımtatarlarnıñ tabiatları, dünya baqışları, atalar sözleriniñ ve daa çoq bir şeyniñ «kiçik entsiklopediyasıdır», ˗ dep ayta bilem.
Hatırlatamız, Timur Pulat, keçken seneleri bir qaç büyük, nesir eserleri yazdı. Olarnı qırımtatarlarnıñ tarihine bağışladı. Bu «Ölümge yoq demek» ve «Bir avdetniñ tarihi» degen eserleridir. Eserlerniñ birinci basılmasıda da Avdetniñ saifelerinde yer alğandır.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
