Herson vilâyetinde «Hayat» («Jizn») adlı, yañı qırımtatar radiosı çalışıp başladı.
Bu haberni özüniñ Facebook saifesinde Ukrainanıñ televidenie ve radio boyünca Milliy şurasınıñ azası Sergey Kostinskiy bildirdi.
Onıñ aytqanlarına kore, soñki yıl içinde Ukrainanıñ radio ve tele yayınları sualleri boyunca Milliy Şura ve Ukrainanıñ haberler siyaseti Nazirliginen birlikte «eki yañı qırımtatar radiosınıñ açılmasına yardım ettiler, bu «Hayat» ve «Qırım.Aqıqat» radioları, ondan da başqa «Meydan» nı Geniçesk ve Çonğarğa qaytmalarına yardımcı oldılar».
«Er bir radiostantsiya konkursta iştirak etip, boş radiosıqlığına yarıştı. Ğalip çıqqanlar ise, efirlerini Hersonda yayinlaycaqlar. Mına meselâ, «Hayat» radiosı ende Vasilyevkada, 103,5 MGts. sıqlığında çalışıp başladı. Nevbette «Qırım.Aqıqat» radiosı, bu radio Çonğarda 105,9 MGts. radiosıqlığında çalışacaq» ˗ dep, qayd etti Kostinskiy.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
