QFU rektorınıñ vazifesini vaqtınca eda etecek professor Andrey Falaleev öz vazifesine turmağa azır.
Professor «RİA Haberler»ge özüniñ tayinlengenini tasdıqladı.
Andrey Falaleev bütün ömürini Aqyarnıñ alet qurucı (Priborostroitelnıy) institutında çalıştı. (Soñ vaqıtları Milliy Tehnik universiteti).
Andrey Falaleev 9 fevral 1972 senesi doğdı. Aqyarnıñ alet qurucı (Priborostroitelnıy) institutınıñ mezunı.
Öz institutında ders berdi. Ve qabul kommisiyasında çalıştı.
2008 senesi AAQİda prorektor vazifesini eda etti.
1997 – de namzetlik, 2013 ise, doktorlıq dissertatsiyasini qorçaladı.
Aqyar Devlet Universiteti meydanğa ketirilgende Andrey Falaleev prorektor olıp çalıştı, amma çoq degil, çünki universitet rektorı Koşkin ile tartışmalar yapıp ketmege mecbur oldı.
Soñki 1,5 yıl devamında professor Sankt – Peterburg tehnik universitetiniñ tehnologiya institutınıñ müdiri olaraq çalıştı.
8 avgust künü QFU rektorı Sergey Doniç öz isteginen ketmege ariza yazdı.
Hatırlatamız, QFU etrafındaki qavğa aprel ayında başladı. Sabıq rektornıñ işten çıqmasını Sergey Aksyönov talap etti. S. Aksyönovnıñ aytqanlarına köre, Doniç universitet ştatını pek balaban etken, devlet ayırğan paralarnı lâyıqsız işletken. Doniç ise, öz sırasında, tek Rusie Maarif Nazirligi tarafından boşatılsa işten ketecegini bildirdi.
QFU 2014 senesi meydanğa ketirilgen edi. O bir sıra institut, kollej ve ilmiy teşkilâtlarnı birlrştire.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
