Qara dağ qoruqlığında qaracalar öle

16.08.201722:41

Qara dağ qoruqlığınıñ yalı boyunda ekologlar 10 dane ölgen qaraca taptılar. Boyle cesedler daa çoq ola bilgenini aytalar, çünki dağlıq içinde olarnı tapmaq pek ağır.

 

Ayvanlarnı sıcaq zayıflattı.

«Qaracalar suvsuzlıqtan deñizge keleler, lȃkin tuzlu suvdan toymaylar. Deñiz suvunı çoq içeler, ondan büyrekleri çalışmay qala. Ayvan taqatı olğanı qadar yaşamağa tırışa, zayıflağan soñ ise, oña çibin ve qısartqılar ücüm ete, bu ise 100 % ölüm», – dey Qara dağ qoruqlığınıñ uyken hadimi Vitaliy Yarış.

Onıñ aytqanlarına köre, coyuqlarnı tek qışta esap etip çıqmaq mümkün olacaq. Yerli sakinler ise, deyler ki, keçken seneleri boyle şey olmağan edi, çünki ormancılar, dağ içinde, ayvanlar içün suvarğıçlar qoya ediler.

«Şimdi qoruqlığınıñ reberleri bütün eski işçilerni boşattılar, yañı kelgenlerni ise bir şeyden işleri yoq»,  dep yaza «Novıy den».

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası