Qırımda ealige benzin satuvında qaide bozuvları tapıldı

16.08.201723:30

Aqmescit (Simferopol) ve Aqmescit rayonınıñ benzin töküv stantsıalarında teşkerüvler keçirildi.

Mütehassıslarnıñ aytqanlarına köre, teşkerüv neticesinde yaqarlıq içinde kükürt çoqlığı qayd etildi. Teşkerilgen yedi stantsiyadan üçünde kükürt tapıldı.

Yaqarlıqta kükürt bulunması, onıñ ekologik alını belli etedir. Yani, kükürt çoqlığı etraftaki alemge ve insanlarğa zararlıdır. Kükürtnen nefes almaq çeşit hastalıqlarğa ketire bile, dey «Yañı kün» («Novıy den»).  Şeerniñ içinde yahşı benzin satalar, çetlerde ise iş bayağı müşkül.

Böyle vaziyet kerekli nezaret işleri alıp barılmağanından peyda olğandır. Çünki, meselȃ, bir zapravkada, 92 benzininde, kükürt çoqlığı yedi qat çoq kösterdi.

Ayrı qayd etmek kerek ki, Aqmescit yolı boyunca 95 benzini peyda oldı. Em ATAN, em de TES zapravkalarında. Bunı «Primeçanie» bildire.  Bağçasarayda da benzin raat tapa biline. Amma Aqyarda yaqarlıq daa peyda olmadı. Yaqarlıq yoq olmasınıñ esas maqsadı, fiyat köterilmekte edi. Bu maqsadqa yetildi. Meselȃ, TES zapravkalarında «premiyum» 45,10 ruble oldı, sade 95 benzini ise ATANda 43,39 rubledir.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Фото аватара

Автор: Редакция Avdet

Редакция AVDET