Sıcaqlardan sebep elektrik energiyası çoq işletilgenine baqmadan, Qırım özü işlep çıqarğan energiyası oña yete.
«Qırımenergo» baş müdiri muavini Valeriy Sergeyevniñ sözlerine köre, bugün yarımadada endi vaqıtınca yarıq söndürme grafikleri işletilmey.
«Er bir şeerde, er bir rayon elektrik ağlarında vaqıtınca yarıq söndürme grafikleri işletilmesin dep taqımlar bar. Bugünki künde bütün tedbirler alınğan, vatandaşlarnıñ evlerinde saat 19:00-dan 22:00-ce elektrik energiyası bar», – dedi o «Sputnik v Krımu» radiosınıñ yayınında.
Aynı vaqıtta, «Qırımenergo»nıñ ricasınen Qırım sakinleriniñ evlerinde yarıq olsun dep büyük müessiseler elektrik ağlarnıñ yükü pek çoq olğan vaqıtlarda energo küçüni azlaştıra ediler.
Avdet haber etkenine köre, 7 avgust künü Qırımdaki elektrik quvetiniñ qullanıluvı tarihiy maksimum yüklerini aştı ve 1249 MVt teşkil etti, bu yaz maksimumınıñ 70 MV ölçüsine ziyadedir.
İstimalnıñ arttıruvı mütehassıslarnı Krasnodar ve Qırımda vaqıtınca elektrik temin etilüvini söndürme grafigini kirsetmege mecbur etti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
