Qırm poliklinikalarında hasta qabul etme vaqtını uzatmağa vade eteler

16.08.201721:07

Qırm poliklinikalarında hasta qabul etme vaqtını uzatmağa planlaştırıla. Enden soñ bolük (uçastkovıy) ve hususiy doktorlar hastalarnı üyleden soñ da qabul etecekler.

Bu habernen nazir muavini Alla Paşkunova paylaştı.

«Doktorlarnı qabul etken vaqıtlarını uzatacaqmız. Sabadan ekimge kelip olamağan hasta üyleden soñ kelip yetiştirmesini isteymiz», – dep bildirdi memur.

Onıñ malümatına binayen, Qırmda 48 dane birlemci yardım köstergen poliklinika bar.

« Bolük ekimleri, hasta qabul etmesine daa çoq vaqıt ayıra bilmeleri içün, biz acele yardım hızmetlerini teşkil etemiz ve olarğa yardım arabalarını almaları içün qoşma para ayıramız», – dedi Paşkunova.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.