Tünevin aqşam Kefede (Feodosiya) Genuez qalesi yanında qapatılmağan uç metrlik quyu içine 12 yaşlı qızçıq tüşip ketti.
Bu vaqiya aqqında haberni Qırım fevqulade nazirliginiñ matbuat hızmeti bildirdi.
Qurtaqıcılar kelgenine qadar, qızçıqnı yerli sakinler quyudan çıqarıp aldılar.
Qurtaqıcılar ise, acele yardım kösterip, tez yardım arabasına qadar ozğardılar.
«Bahtımızğa bala pek zararlanmadı», ˗ dep qayd ettiler fevqulade nazirliginiñ matbuat hızmetinde.
Qurtaqıcılar, başqa boyle qaza olmasın dep, vaqıya yüz bergen yerni sarıp aldılar.
Avdet haber etkenine köre, acınıqlı faciya İslâm – Terek (Kirovskoye) köyinde yüz bergen edi. Anda 8 yaşlı Rudem Ablayevnıñ üstüne, yahşı tuttırılmağan, demir salıncaq tüşti, bala elâk oldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
