Barselonada terakt neticesinde 13 adam elâk oldı

18.08.201711:37

Barselonanıñ merkezinde yerleşken Rambla turistik soqağında bir top adam içine kiçik avtobus uruldı.

Araba Kataloniya tarafından kele edi. Bir qaç metr keçip yetiştirdi. Öz közünen körgenler deyler ki, daa çoqça piyadelerni urmaq içün, aydaycı mahsus balaban suratnen kele edi.

İspaniya polisleri 13 adam elâk olğanını tasdıqladılar. Kataloniya başı Karles Puçdemonta, hastahanelerde daa 80 adam bulunğanını ayttı.

Polis hadimleri yetip kelgenine qadar qabaatlı aydaycı gizlendi.

Barselona akimiyeti bu vaqiyanı «terrakt» dep belgiledi.

Biraz vaqıttan soñ eki şeklengen yaqalandı, atta birisiniñ yaqalanma vidiosı da bar. « La Vanguardia» gazetası ise, haber etkenine köre, bir şeklengenni daa atıp öldürdiler.

Bir qaç saatten soñ, Barselonanıñ merkezinde olıp keçken terrakt mesüliyetini Rusiyede yasaq etilgen «İslamskoye gosudarstvo» öz üstüne aldı, dep bildire «Yañı gazeta» («Novaya gazeta»).

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Фото аватара

Автор: Редакция Avdet

Редакция AVDET