Qırım statistikası birinci sınıfqa baracaq talebelerniñ minimal mektep ihtiyaclarnı sayıp çıqtı

18.08.201712:12

Qırım statistikası birinci sınıfqa baracaq talebelerniñ minimal mektep ihtiyaclarnı sayıp çıqtı. Neticede bir balanı mektepke azırlamaq sekiz biñ ruble tura.

Eñ ucuz mektep taqımı ve defter, qarandaşları, oğlançıqlarğa 8158, qızçıqlar içün ise 7533 rubledir.

Bu teşkilâtnıñ haber etkenine köre, boyle para masrafı soñsız ola bile.

Eñ ucuz variant – bu qıtay mallarıdır, paalıca ise Rusie fabrikalarından kelgen eşyalardır. Qırım statistikası dey ki, mektepke azırlıq içinde eñ paalı mektep urbasıdır.

Oğlan ballar içün üçlik kostümini 3000 başlap almaq mümkün, qızlar içün ise, klassik sarafannıñ fiyatı 1100 rebleden başlaydır.

Keçken sene Qırım statistikası bir balanı mektepke azırlamaq fiatını 10 000 ruble sayıp çıqqan edi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция Avdet

Avdet gazetası