Air Astana degen Qazahistan milliy ava yollarında uçqan bir yolcı, bu kompaniyanıñ işçilerini qabaatlap, onı konstitutsiya aqlarını bozulğanını, yani malümat qazah tilinde berilmegenini ayttı.
Bazarertesi 14 avgust künü, Ogız Dogan, uçaq içinde telükesis qanunlarını bozğanı içün, para cezasına çekildi. Bu adam kiçik masaçıqnı kotermegeni içün oña ihtar – mektübi berildi.
Lâkin yolcı dey ki, ava yollarınıñ hızmetçileri özleri qabaatlı, olar devlet tilini bilmeyler ve onda laqırdı etmeyler.
«Ava yollarınıñ hızmetçisi rus ve ingliz tillerinde bir şeyler ayttı. Men ise, malümatnı devlet tilinde almağa istedim. Olar ise, bir söz bile qazah tilinde aytmağa istemediler. Hizmetçiler maña, sanki masaçıqnı köteriñ degen ekenler. Men ise, bunı añlamadım. Mustaqil Qazahistanda añlamağa bile istemem», — dep yazdı Ogız Dogan.
Ogız Dogan özüniñ añlatmasını derc etip, Qırğıstandan jurnalist olğanını bildirdi. Bu adam ava yollarınıñ hızmetçilerine nisbeten, «qazah tilini aqaretlegenleri içün ve laqırdı etmege istemegenleri sebebinden» bir çare körmelerini talap etti.
«Kimse meni añlatmama baqmaz bile, men bilem», — dep qoştı Ogız Dogan.
Jurnalist internetke, ava yollarınıñ hızmetçisi oña ihtar – mektübi bergen vaqtını ve rus tilinde muracaat etken videosını yerleştirdi.
«Men Qazahistanda maña qazah tilinde muracaat etkenlerini isteyim», — dedi video muellifi. Ava yollarınıñ hızmetçisine ise, «yarın özüñni haberlerde körersiñ», — dedi.
Air Astana kompaniyasınıñ matbuat hızmetinde ise, yolcı haberni üç – ingliz, qazah ve rus tillerinde alğanını bildirdiler.
« Ogız Dogan uçaq içinde telükesis qanunlarını yerine ketirmege istemedi, de türkçe, de qazahça laqırdı etti. Hizmetçilerimiz yolcığa şu üç tilde, masaçıqnı kotermesini bir qaç kereler rica ettiler. O de añlamamazlıqqa özüni urdı, de boysunmağa istemedi, de qorqutacaq oldı. Körgen videoñızda, o tek rusça laqırdı etilgenini yazıp alğan, amma ondan evel onen qazahça laf ettiler», — dep añlattı Tlek Abdrahimov.
Almatığa kelip tüşken soñ onı polis bölügine teslim ettik.
«Talaplarnı yerine ketirmemek yaramay neticelerge ketire bile. Bizim hizmetçilerimiz bu adamğa ayrı bir qaç kereler rica ettiler, o ise uyken hizmetçisini kelmesini talap etti. Lâkin o işçimiz uçaqni qonmasına azırlay edi», — dep añlattılar Air Astanada.
Qazahistanda qazah tili devlet tilidir. Bu ükümetniñ Konstitutsiyasına binayen devlet müesseselerinde qazah tilinen birlikte, resmiy olaraq rus tilide qullanıla, — degen haberni bildire «Sputnik Qazahstan».
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
