6915 arbiy qısım yanında (Kefe, Krasnokamenka köyi), ambarlar içinde, öz özüni asqan 19 yaşna Valeriy Kovalçukni taptılar.
Bu haberni Rusie Federatsiyasiniñ Şimaliy – Kavkaz okrugınıñ milliy gvardiya matbuat hüzmetinde tasdıqladılar.
Ondan evel içtimaiy ağlarda, hızmet etken yerinden bir asker ğayip olğanı haber etilgen edi. Tahminlerge köre, o hızmet yerini öz başına terk etti. 16 avgust künü ise, dağ içinde askerniñ cesedi tapıldı. Yanında ise «öz özümi öldürem» degen mektüp bar edi.
«İlki malümatlarğa köre, askerniñ intiharı, keçken arbiy hızmetinen içte bağlı degil. Olıp keçken vaqianıñ sebepleri ogrenile. Bu meselede esas diqqat arbiy memurlarnıñ areketlerine ve psihologik hızmetlerniñ intiharğa qarşı alıp barğan işlerine ayırıla», — dep bildirdiler Rusie Federatsiyasiniñ Şimaliy – Kavkaz okrugınıñ milliy gvardiya matbuat hüzmetinde.
Rosgvardiyanıñ haber etkenine köre, general – mayor Vitaliy Sadovnikovnıñ reberliginde komissiya çalışa, olar memuriy taqiqat keçireler.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
