Maküm etilgen Ruslan Zeytullaev Başqurtistanğa keçirile

19.08.201717:52

«Hizb ut — Tahrir» işi boyunca maküm etilgen qırım tatarı Ruslan Zeytullaev 18 avgust künü cezasını çekmek içün, Başqurtistan koloniyasına keçirile.

Bu haberni özüniñ Facebook sayifesinde Rostov – na – Donuda yerleşken Ukrayinanıñ baş konsullığı bildire.

Hatırlatamız, 27 iyül künü Rusiyeniñ Yuqarı makemesi, aqyarlı Ruslan Zeytullaevğa apis zamanını 12 yıldan 15 yılğa qadar koterdi.

Hatırlatamız, «aqyarlı dörtlik» işi byunca prokuror, Ruslan Zeytullaev boyunca alınğan makeme qararını appelȃtsiyağa berdi. 27 dekȃbr künü ise, Rusiye Federatsiyasınıñ Yuqarı makemesi, prokurornıñ appelȃtsiyon şikâyetini yerine ketirip, Ruslan Zeytullaevniñ işini Şimaliy Kavkaz arbiy makemesine ğayırdan baqıp çıquvğa yolladı.

Avdet haber etkeni kibi, 7 sentȃbr künü Şimaliy Kavkaz arbiy makemesi Rostov – na – Donuda  «Hizb ut — Tahrir» işi boyunca qabaatlanğanlarğa» makeme ükümi çıqardı. Oyle etip Ferat Seyfullaev, Rustem Vaitov ve Nuri Primov beşer yıl koloniyağa aps etildiler.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Фото аватара

Автор: Редакция Avdet

Редакция AVDET