Qırımnıñ nazirler şurası bu seneniñ ekinci kvartalına, Qırım sakinleri içün yaşav minimumnı köterdiler.
Çalışqanlar içün bu aqça 10 biñ 634 ruble, pensionerler içün 8 biñ 170 ruble, ballar içün ise 10 biñ 487 ruble olacaqtır.
Birinci kvartalğa köre para miqdarı biraz köterildi (10 biñ 210 ruble, 7 biñ 878 ruble, 10 biñ 30 ruble edi).
Yaşav minimumınıñ köterilmesi tabiy bir aldır, çünki daa yaqınlarda gaz, suv ve elektrikanıñ fiyatları köterildi.
Hatırlatamız, yaşav minimumınıñ miqdarına içtimayi tölemeler, pensiyağa yerli qoşmalar ve nefaqalar bağlıdır. Bu miqdarğa köre de, fuqare qorantalarnıñ sayısı belgilene.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
