Qırımtatarlarnıñ Moskva aktsiyalarına bağışlanğan körüşüvleri ep bir olıp keçti

21.08.201712:04

Qırımtatar faaleri planlaştırğan körüşüvlerini keçirdiler, amma başqa yerde.

Qarasuvbazar rayonınıñ Aq – Qaya (Brlaya Skala) köyünde yerleşken «Kovboy» raatlanuv bazasını qapatqanlarından soñ, planlaştırılğan tedbir raatlanuv bazasınıñ qapısı ögünde keçirildi. Amma polis hadimleri, boyle tedbir «qanunsız miting keçirilüv» Administrativ qanunnı bozuvlarına kirmekte olğanını hatırlattılar.

Onıñ içün, faaler körüşüvlerini Sarı – Su camisi yanında keçirdiler.

Mında dua yapıldı, Moskvadaki aktsiyalar iştirakçileriniñ çıqışları olıp keçti ve rezolütsiya qabul etildi.

«Pilâv aşalğan soñ – aktsiya iştirakçileriniñ bir qısmı Eski Qırımğa, Server Karametovnıñ azat etilme munasebeti ile keçirilgen duağa kettiler», — dep bildire «QırımAqıqat» Zair Smedlâyevniñ sözlerini.

Avdet haber etkeni kibi, bugün 20 avgust künü bir çoq silâlı polis hadimleri, qırımtatar milliy areket iştirakçileriniñ körüşüvleri olıp keçecek Qarasuvbazar rayonınıñ Aq – Qaya (Brlaya Skala) köyünde yerleşken «Kovboy» raatlanuv bazasını qapattılar.

Фото аватара

Автор: Редакция Avdet

Редакция AVDET