Yarın Qırımda şiddetli yel olacağı, sağanaq ve burçaq yağacağı beklenile

21.08.201721:26

Qırımda 22 – 23 avgust künleri ava deñişmeleri beklenile. Furtunalı yel köterilecek, sağanaq ve burçaq yağacağı tahmin etile.

Qırım fevqulade nazirliginiñ matbuat hızmetinde haber etkenlerine köre, 22 – 23 avgust künleri, yarımadamızğa suvuq ava kele ve onıñ içün mında müşkül furtuna beklenile. Bazı yerlerde sağanaq (50 millimetrden ziyade), boranlı yağmur ve burçaq yağması beklenile.

Ondan da başqa saniyede 23 – 28 metr şiddetinen yel esecek, ava arareti 8 – 10 derecege alçalacaq.

Qurtarıcılar sakinlerni küçlü saqğanaq ve yel vaqtında muqayt olmalarına çağırdı.

Hatırlatamız, 18 – 19 avgustqa keçer gecesi, dağlardan tüşken sel mesken evlerni bastı, arabalarnı yüzüm bağlarına itep taşladı, bir qaç araba ise, tap deñizge çıqarıldı.

Avdet bildirgenine köre, bu künleri yüz bergen felâketten soñ, Sudaq civarında, özüniñ evinde 20 yaşlı genç elâk oldı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция Avdet

Avdet gazetası