Ahtem Seytablayevniñ çıqarğan filmi «Oskar» mukâfatına namzet kösterilecek

23.08.201719:18

Rejisser Ahtem Seytablayevniñ «Yabancınıñ duası» filmi, «Oskar» mukâfatına, Ukrainanıñ «Ecnebiy tilde çıqarılğan eñ yahşı filmi» nominatsiyasında milliy saylavlarda iştirak ete.

«Mında ayret etici bir şey yoq. Saylavlarda bu sene çıqarılğan bütün filimler iştırak etecek. Ebet, anda belli bir şartlar bardır, lâkin men bunda istisnai bir şey körmeyim», — dep Seytablayevniñ sözlerini bildire «QırımAqıqat».

«Oskar» kinomukâfatında Ukrainanı kim taqdim etecegi 29 avgustta belli olacaqtır.

Hatırlatamız, Saide Arifova aqqında «Yabancınıñ duası» adlı filmi ukrain tilinde çıqarıldı. Saide Arifova Ekinci ciyan cenki vaqtında faşıstler Qırımnı işğal etkenlerinde yüzge yaqın yeudiy ballarını qurtarğan edi. Filmnniñ büceti – 31 million grivnâdir. Bu aqçadan, Ukrain devleti tek 10 millionını berdi.  Qalğan paralar, qanunğa binayen, film üstünden iş bitirilgeninden soñ berilecek.

Film çekimleri Gürcistanda, Kiyevde ve İsrailde keçken edi.

Kinoğa azırlanğan treylerni bu yerde baqmağa mümkün.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET