QFUda istidatlı balalar mektebini açacaqlar

24.08.201720:03

V.İ. Vernadskiy adına Qırım federal universiteti istidatlı balalar içün mektep açmağa istey.

Bu haberni QFU rektorı Andrey Falaleyev bildirdi.

Falaleyevniñ aytqanına köre, mektep meselesini, o Rusiye prezidenti Vladimir Putin ile muzakere etti.

«Biz şimdi böyle mektepni tek açmağa planlaştıramız. Ve olar, bulunğan böyle mektep strukturalardan bayağı farqlanacaqlarını aytamız. Meselâ, «Artek» ve ya «Sirius»ta kibi olmaycaq. Bu eki «mektep» umum Rusiye seviyesine yönelgendir, biz ise, aksine, tek Qırım ballarınen çalışmağa isteymiz. Çünki merkezden uzaq qalğan istidatlı ballar, özlerini çette is etmesinler, istidatlarını inkişaf ettire bilsinler. Biz bu işni Moskva devlet universitetinen birlikte yerine ketirmege isteymiz. Prezident ile körüşüvimizde de biz aynı bu meseleni qonuştıq», — dep Falaleyevniñ sözlerini «Krımhaber» bildire.

Avdet haber etkeni kibi, QF universitetiniñ yañı rektorı olaraq professor Andrey Falaleyev tayinlendi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

 

Фото аватара

Автор: Редакция Avdet

Редакция AVDET