Canköy rayon memuriyetiniñ başı – Aleksandr Boçarov, İslâm – Terek (Kirovskoye) rayon memuriyetiniñ başı – Anatoliy Pokidçenko ve Qurman (Krasnogvardeysk) rayon memuriyetiniñ başı – Vladimir Ganaga işten boşatılacaqlar.
Bu haberni, özüniñ Facebook sayifesinde Qırım başı Sergey Asönov bildirdi.
«Qayd etmege isteyim ki, söz qabarcılıq ve ya başqa qanun bozuvları aqqında ketmey. Bu meselede, memurlarnıñ iç birine sual yoq. İnsanlar çalıştı, eñ qıyın vaqıtları bizlerge qol tuttılar. Problem başqa şeyde, büzüm vaziyetlerimizde er şeyni tez yapmaq kerek, çezilecek meselelerni, bazen er kün öz eliñnen yapmaq kerek ola, bu adamlarnıñ çoqusı oyle çalışıp olamaylar», — dep yazdı Aksönov.
Ondan da başqa, Aksönovnıñ talabına binayen, işten ketüv arizalarını Kefe (Feodosiya) rayon memuriyetiniñ başı – Stanislav Krısin ve şeer şurasınıñ başı Svetlana Gevçuk yazacaqlar.
«Yaqınlarda Kefede de oldım, er şeyni kördim, Memuriyet öz vazifelerini keregi kibi eda etmey, onıñ içün ketmek kerekler. Meni emirlerim yerine ketirilmey, tenbihler sanki eşitilmey, tez yapılacaq şeyler pek yavaş çezile. Qanunsız ticaret ve qurucılıqlar toqtatılmay. Komunal hocalıqlar yaramay çalışalar, şeer çöplüknen tolu. Çeşit vesiqalar alma meselelerinde insanlar pek çekişe, bu teşkilâtlarda yaramay çalışa», — dep yazdı Aksönov.
Yerli akimiyet cemaatnen bağ quramadı, şeer başı ve onıñ yardımcilarınıñ işlerini kimse begenmey: «Krısin ve Gevçükniñ işlerine yaramay qıymet kesem. Ondan da başqa olarnıñ yardımcilarına da ariza yazmalarını teklif etem».
Onıñ sözlerine köre, işten boşatuvlar daa bitmedi. Meselâ, Aluştada olğan vaziyette şube doğura, dep bildlrdi memur.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
