Qırımnı Rusiyeniñ eñ kirli regiyonlarından biri, dep belgilediler

28.08.201715:09

Etraftaki alemniñ vaziyeti böyünca Qırım Rusiye regionlarınıñ içinde eñ kirlisidir.

Böyle noqta – i nazarnı «Tavrida» adlı Bütün Rusiye gençlik maarif forumında «General temizleme» proyektiniñ başı Dmitriy Mironov bildirdi.

Bu aqta söz genç jurnalistlernen keçirilgen körüşiv çerçevesinde olıp keçti.

Eñ çoq, Mironovnı Gaspra yanındaki çöplük obası şaşırdı. Bu oba er bir daqqada köy üstüne tüşe bile. D. Mironov qayd etkeni kibi, «General temizleme» teşkilâtiniñ faalleri, böyle çöplük obalarınen bütün memleket içinde küreş alıp baralar, – dey, «Argumentı nedeli – Krım».

Devlet Dumasınıñ deputatı Olga Timofeyeve ise, çöplük obalarını yoq etmek içün regionlarda para olmağanını qayd etti. Onıñ içün, faaller er yerlerden investorlar qıdırıp, çöplük obalarını yoq eteler.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası