Baharevni Simferopoldeki «yılanlar toplanğan yer» içün tenbiyelediler

29.08.201717:55

 

Simferopol memuriyetiniñ başı Gennadiy Baharev qanunsız ticaret yerleri boyunca areket köstermegeni içün tenbi aldı.

Bu aqta Sergey Aksönov Vernadskiy adına Qırım federal universiteti rektor vazifesini eda etken Andrey Falaleyevnen talebelerniñ yurtlarını baquvı neticesinde ilân etti.

«Simferopolge – soñki Çin tenbiyesi. Daa da doğrusı o da, artıq, olmaycaq. Bugün şeer şurasına tenbi ilân etilsin dep vesiqa yollaycam. Çünki men onı (Baharevni — memuriyet qaydı) üç kün evel tenbiledim, amma iç bir netice çıqarılmadı. Ticaret yerleri vesiqasız nasıl tura edi, öyle de turalar. Em de olarnı ne içün qoyğanları da belli degil. «Yılanlar toplanğan yer» başqaca aytıp ta olamayım», – memuriyet başlığına tenbi bermege aqqı olmağanını qoşıp, dep ayttı Aksönov.

Aksönov qayd etkeni kibi, oca ve yerli sakinler qanunsız yerler çalışqanı ve çöplük toplanğanını şeer akimiyetine üç yıl boyunca şikâyet eteler, amma idare başlıqaları iç bir şey yapmaylar, dep haber ete Qırım akimiyetiniñ matbuat hızmeti.

Avdet haber etkenine köre, Sergey Aksönov işten çıqaruvlar aqqında ilân etken edi. Olarnıñ arasında Kefe (Feodosiya) rayon memuriyetiniñ başı – Stanislav Krısin ve şeer şurasınıñ başı Svetlana Gevçuk, bundan da ğayrı Canköy, İslâm – Terek (Kirovskoye) ve Qurman (Krasnogvardeysk) rayon memuriyetleriniñ başları işten boşatılacaqları belli oldı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET