Fevqulade vaziyetler nazirliginiñ Qırım idaresi yarımadada salı, 29 avgust künü, bozğun ava sebebinden acele haberdar etüvni ilân etti.
«29 avgust künü Qırımda, ayrıca Simferopolde bir saniyede 15-20 metr suratında küçlü şimal yeli beklenile», – dep aytılğan haberde.
Regional gidrometmerkeziniñ malümatlarına köre, Qırım paytahtında 29 avgust künü deñişici bulutlılıq beklenile. Bir qaç yerde çoq vaqıt yağmaycaq yağmur, sağanaq olabile. Bir saniyede 8-13 metr suratında şimal yeli, gece ava arareti +14+16, kündüz ise +25+27 olması beklenile.
Aqyarda deñişici bulutlılıq. Saba biraz yağmur, sağanaq olabile. Bir saniyede 12-15 metr suratında şimal yeli, gece ava arareti +18+20, kündüz ise +22+24 olması beklenile.
Fevqulade vaziyetler nazirliginde region sakinleri ve musafirlerine küçlü yel vaqıtında telükesizlik qaidelerine uymağa kerekligini hatırlatalar.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
