Evden köçme: azırlıq ve urbalarnıñ paketlemesi

30.08.20179:12

«Köçme» sözü çoqusı insanlarda telâş duyğusı, ağır qutu, coyulğan eşya ve sınğan mebelnen bağlıdır. Amma ceryannıñ teşkil etilüvine doğru yanaşılsa, adres deñişüvi ağır olmaz. Bundan da ğayrı daima taşınma şirketine, ya da ihtisaslı yükleyicilerge muracaat etmege mümkün.

Evden köçüvge azırlıq

Birinci basamaq eki-üç afta alabilir. Eñ esası – aşıqmamaq içün öz vaqıtını panlaştırmaq.

Köçme kününiñ tarihini tayinlep, mıtlaqa aşağıdakilerni yapmaq kerek:

  • keregi qadar paketleme malzemesini alıñız;
  • karton ve plastmassa taralarını azırlañız;
  • balkon ve lodjıyada biri-biriniñ üstündeki eşyalarnı tertipke qoyuñız;
  • sınğan tehnika ve kerek olmağan urbalarnı yoq etiñiz;
  • özüñiznen nasıl mebel olacağıñızğa qarar beriñiz.

Evelden yardım etecek insanlarnen añlaşıñız. Yükleyicilernen ev köçüvleri daa da tez ve qolay keçe.

Mülk ve degerlikleriniñ paketlemesi

Taşıma esnasında eşyalar zararlanmasın dep, onı sım-sıqı paketlemege kerek.

Sizge aşadaki malzemeler kerek olur:

  • paketleme kâğıdı, gazetler;
  • polietilen plönka kesekleri;
  • gofrirlengen karton;
  • avalı qabarçıqları olğan plönka;
  • skotç, qınap yip

Birinciden kiler, ya da yuqarı raflardaki pek işletilmegen eşyalarnı çantalarğa yerleştiriñiz. Planğa köre, oda odadan keçip, areket etiñiz. Qutular üstünde yazı yazıñız, olarnı sım-sıqı qınap yipinen baylañız,  ya da skotçen yapıştırıñız.

Resimler, büllür savut ve farfor ayrı diqqatqa lâyıqlar. Qıymetli resimlerni evelden karton, ya da plönkanen sarıp, tahta qutularda taşımağa tefsiye etile. Mort çiçek savutlarını ve eykelçiklerini bir qaç qat kâgıtqa sarıp, tübü pekitilgen qutuğa yerleştiriñiz. Aynı vaqıtta bütün boş yerlerni penoplast keseklerinen, ya da elde bürüştirilgen kâğıtnen toldurıñız.

Köçme esnesında ihtisasiy yardım

Adres deñiştirgende çoqusı insanlar özlerini kerek olmağan çapqalavlardan uzaqlaştırmağa tırışalar. Böyle alda taşınma şirketine muracaat etmege kerek. Mütehassıslar mustaqıl alda yük maşnasını seçer, ihtisaslı yükleyiciler taqımını ayırırlar, kerek olsa, mebellerni parçalarğa bozıp, tehnikanı da çıqarırlar.

Kerekli şirketni internet vastasınen tapmağa pek qolay. Resmiy saytta bütün yapılğan hızmetler aqqında malümat bar.

Evelden masraflarnı saymaq içün pek oñaytlı «evden köçme kalkulâtorı» servisinen qullanmağa mümkün. Sizge daa da doğru fiyatnı eviñizge kelgen ve er şeyni baqqan şirket mütehassısı aytır.

Author: Редакция Avdet

Avdet gazetası