44 – nci sanlı orta umumtasil mektebi, 1 sentâbr künü, Borçoqraq (Fontanı) ve Ak-Meçet talebelerine öz qapılarını açtı.
Hatırlatamız, onıñ qurucılığı, 24 yıl evelsi, yani 1993 senesi başlanğan edi. Bügün bu mektepni «dört prezident mektebi», dep adlandıralar.
Donatma tarafında bu mektep Qırımnıñ eñ yahşı mekteplerşnden biridir.
Avdet haber etkenine köre, mektepte eki sportzal, 24 ve 16 yerlik lingofon odaları bar. Bütün sınıflarda interaktif tahtalar ve er bir ocada kompyuter tura, Smart tahtasınen, balaban akt zalı donatılğan. Stadiyonda suniy örtü ve bütün açıq sport meydançıqlarında rezin qapatmalar yayılğan. Saqatlar içün lift ve pandus da yasatılğan.
Kelecekte mektepte 33 sınıf açılması tahmin etile (şimdi 29 sınıf açıq), bu sınıflarda 830 talebe oqutılacaq (şimdi 760).
Sınıflar sayısı: 1- nci sınıflar – altı dane, 5 – nci – dört, 2-4, 6, 7 – üçer sınıf, 8 ve 9 – nci sınıflar ekişer dane, 10 sınıf – bir danedir.
Qırımtatar talebeleri 94 – 95 % teşkil eteler. Amma rus talebeleri de, bizim tilimizni ogrenmege azırlar.
Eki dane birinci sınıflarda, bu A ve B sınıflarında, ve 2 –A, 3 –B, 4 –A sınıflarında dersler qırımtatar tillerinde alıp barılacaq. Başqa sınıflarda ise, qırımtatar tili dersleri fen olaraq ogretilecek. Dersler mahsus derc etilgen kitaplar esasında berilecek.
Mektep urbası ana – babalar tarafından seçilip, kül renkte olacağı belgilendi. Urbalar bir qaç çeşitte olacaqlar: bu 1. Bayram urbası; 2. Er künlik urba; 3. Sport urbası.
Bayram urbası
Qızçıqlar içün:
. 1-7 sınıflar: beyaz kölmek, damalı basmadan fistan, boz renkte yelek;
. 8-11 sınıflar: beyaz klassik kölmek, boz renkte fistan ve yelek;
. 1-4 milliy sınıflar: mektep urbasına daa mavı renkte fes de qoşula.
Oğlanlar içün:
. 1-10 sınıflar: beyaz kölmek, ştan, boz renkte yelek, boyunbağ.
. 1-4 milliy sınıflar: mektep urbasına daa mavı renkte boyunbağ qoşula.
Er künlük kiyimleri
Qızçıqlar içün:
. 1-7 sınıflar: trikotaj feruze renkte polo – kölmek, damalı basmadan fistan;
. 8-9 sınıflar: trikotaj feruze renkte polo – kölmek, boz renkte fistan.
. 10-11sınıflar: beyaz kölmek, boz renkte fistan ve yelek.
Oğlanlar içün:
. 1-9 sınıflar: trikotaj feruze renkte polo – kölmek, boz renkte ştan.
. 10-11sınıflar: kül tüste kostüm, beyaz kölmek, klassik boyunbağı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
